పురుగులు

మృత్యువు వంటి రహస్యమేదో 
కమ్మినపుడు

నేను జీవిస్తాను

నిగూఢ గాడాంధకారపు కౌగిలిలో 

మేలుకొంటాను

స్వీయ దేహాన్ని వొరసుకుంటూ 

ప్రవహిస్తాను 

హఠాత్తుగా యెవరో  నా లోపలి 

నుంచి దూసుకెల్లిపోతారు

ఖాళీతనపు నైరాశ్యంతో 

రోజుల వెంట నడుస్తాను 

నేను మోస్తున్న దేహం నాదేనని 

తెలుసుకునేందుకు బద్దకిస్తాను 

వొకానొక చాలా కాలం తర్వాత 

గుర్తు తెలియని నా శవం 

యెవరికో దొరుకుతుంది 

    

శవాన్ని వదలి జ్ఞాపకాల్ని 

తింటుంటాయ్  పురుగులు