యీ రాత్రి ...
యుగాలుగా నన్ను మోస్తున్న ....నేను మోస్తున్న
యీ రాత్రి ...
అనేకానేక పునర్జన్మల చీకటిని
నామీదికి కుమ్మరిస్తున్న యీ రాత్రి
నా ప్రియురాళ్లను నాకందించి ...నా నుంచి
లాగేసుకుంటున్న యీ మార్మిక రాత్రి.
అసంఖ్యాక వూపిరుల వెచ్చదనాన్ని
నా దేహానికి తాకించి ...నన్ను మళ్ళీ
వొంటరి ఖాళీ తనపు దేహపు ప్రతిధ్వనికి
గురి చేస్తున్న యీ మాయావి రాత్రి.
కనులు తెరిచినపుడు అంధత్వాన్ని
కనులు మూసినపుడు చూపునూ
ప్రసాదిస్తున్న వొక అజ్ఞాత తల్లి వంటి యీ రాత్రి ...
నాతో నేను మాత్రమే మిగిలే అంతిమ రహస్యాన్ని
నాకెప్పటికీ నోరు విప్పని ఈ గుప్తపు రాత్రి...
నాలోకి తనూ....తనలోకి నేనూ ద్రవిస్తున్నపుడు...
తన పెదాల గుసగుసల్ని నాకు వినిపించనివ్వని
ఈ దుఖపు రాత్రి
నా ప్రియురాలి కన్నీరు నా కనురెప్పలపై
కురిసినపుడు నను వోదార్చని యీ నిర్దయ
రాత్రి...
బ్రతికి వున్నపుడే మృత్యు రహస్యానుభవాన్ని
నాకందిన్చినందుకు ....యీ తాత్విక రాత్రిని
కౌగిలించుకుంటాను ..
.........రాత్రి 1.30 o6/10/2011
ఇన్ని చెప్పి మీరు కౌగలించుకుంటన్న రాత్రిని చూడడానికి ప్రయత్నిస్తా!!
ReplyDeleteసాధ్యమంటరా!!!!!
ekkada copy kottaru?
ReplyDeletenee nunche....
ReplyDeletesimply superb flow of a night's stream.....
ReplyDeleteVijaya Bhanu Kote.
mee kavithalu chaduvutumte chaala bagunnayi. anthaku minchi komcham different ga vunnayi. different ante bagunnayi............ashtamaina telugu pradabamdanamtho kudukoni vunnayi.........AL DE BEST
ReplyDelete