మరణం లేని చీకటి లోకి

వొక పురాతన కాలం నుంచి 

యిక్కడే జీవిస్తున్నాను 

శాపగ్రస్త రాక్షసుడివలె 

భూమిని భుజాల మీద మోస్తున్నాను 

నా నీడ మీదే నడుస్తున్నాను 

అనేక మరణాల పొడవునా 

తీవ్ర వాంఛ వొకటే బతుకుతోంది 

అనేక భ్రమల మధ్య 

దుఖం వొకటే నిలుస్తోంది

అనేక మనిషి పొరల మధ్య

జంతువొకటే కదులుతోంది

నా దుఖపు కోరికల్ని ఆకాశం ఆవహించాక

సమస్త నీతుల్నీ ధిక్కరించి 

సమస్త  జన్మల్నీ నిరాకరించి 

నా తొలి తల్లి గర్భం లోకి నేను 

తిరోగమిస్తాను

                                                                                             ---25.01.2012

                                                                                                 ఉదయం 9.15

                                                                                               

 

SHE THAT I AM NOT

leaving all my intellect i rediscover my soul...

Her body fragrance

Envelops onto me like a spider’s web

Leaving all my intellect I

Rediscover my soul

Hid beneath umpteen traces

The magic touch of her skin

Awakened the cells in me

Like the shadow of the

Passionate sky on the earth

I take her with all my life’s

Secret desire into me

When her mystique oceanic beauty

Conquered me

History inside me flowing from times

Dies

I take an ancient body

And open my eyes in a primordial cave

Unacquainted illusions of deceptions, cheat, morals

Shine like stars on the sky afar

But I

On every tree in my valley

Bloom as all nudity………………………………..telugu original : daamu eng trans:jagathi                                             12.12pm Wednesday published in MUSE INDIA E -JOURNAL 

నేను కాని ఆమె

నాలోపలి  రక్తకణాల్ని మేల్కొలిపిన ఆమె మాంత్రిక స్పర్శ...

ఆమె దేహపు పరిమళం 
సాలె గూడులా నా మీదికి అల్లుకుంటుంది 
నేను సమస్త తెలివినీ వదలి పెట్టి 
అనేక పొరల మాటున దాగిన నా ఆత్మను 
పునః కనుగొంటాను 
నా లోపలి రక్త కణాల్ని మేల్కొల్పిన 
ఆమె మాంత్రిక స్పర్శ.
నేల మీదికి పెనవేసుకునే 
ఆకాశపు మోహపు నీడలా
నేను ఆమెని నా సమస్త జీవితపు 
రహస్య కాంక్షతో నాలోకి  తీసుకుంటాను .
సముద్రం వంటి ఆమె నిగూఢ సౌందర్యం
నన్ను ఆక్రమించినపుడు 
కాలాలుగా  ప్రవహించిన నాలోపలి చరిత్ర
మరణిస్తుంది 
నేనొక పూర్వ దేహాన్ని ధరించి 
వొక  ఆదిమ గుహలో కళ్ళు తెరుస్తాను.
మాయల , మోసాల,నీతుల అపరిచిత భ్రమలు
సుదూరపు గగనంలో చుక్కలవలె మెరుస్తుంటాయి
నేను మాత్రం 
నాలోయ లోపలి  ప్రతి చెట్టు మీద 
బిత్తలిగా పుష్పిస్తాను 
..............................................దాము 5/10/2011   2am (home Hyderabad)